Hvort er hann í Reykjarvík eða Hafnafirði?

Ég geri ekki mikið af því að lesa fasteignaauglýsingar, en ég hef þó hnotið um það nokkrum sinnum undanfarna daga að fasteignasali hér í borg hefur hvað eftir annað auglýst til sölu eign við Laugarveg. Ég veit ekki með ykkur, en ekki dytti mér í hug að kaupa fasteign af fasteignasala sem getur ekki einu sinni stafsett heiti götunnar sem fasteignin er við, einkum og sér í lagi ef hún er við sjálfan Laugaveginn. Er ég stafsetningarnörd og málfarsfasisti eða ætti svona lið ekki að fá sér vinnu við eitthvað annað?