VITA FACILIS

Sérhyggjan á dögum flokksræðisins

2011-04-04T10:25:00.002Z

Eitt hafa þeir, sem náðu kjöri á stjórnlagaþingið sáluga, umfram Alþingismenn. Þeir hafa persónulegt umboð kjósenda sinna. Þeir voru kosnir sem einstaklingar og sætin eru þeirra. Þess vegna er auðvelt að bera virðingu fyrir stjórnlagaþingmönnum sem ekki hafa áhuga á að sitja í stjórnlagaráði og þiggja þannig umboð sitt frá Alþingi. Það var ekki það sem lagt var upp með.Alþingismenn eru aftur á

Króna án krúnu

2011-03-21T09:04:00.003Z

Nýlega stakk þingmaðurinn Lilja Mósesdóttir upp á því að Íslendingar segðu skilið við krónuna og tækju upp nýjan gjaldmiðil. Hún var höfð að háði og spotti fyrir þá hugmynd, enda alkunna að krónan er ekki vandamál íslensk efnahagslífs heldur fólkið sem eyðir henni. Ég tel hugmyndina þó góða, en ekki af sömu ástæðum og Lilja. Mín rök eru söguleg og orðsifjafræðileg. Auðvitað er þó bara hlægilegt

Nokkrar tilvitnanir

2011-03-07T09:06:00.000Z

Í dag nenni ég ekki að skrifa Bakþanka. Þess í stað ætla ég að deila með ykkur sex völdum tilvitnunum af þeim toga sem ég hef mest gaman af. Þær eru þessar, í aldursröð:1. „Ég hef enga von um framtíð þjóðar okkar ef hún er í höndum hinnar léttúðarfullu æsku nútímans, því sannarlega er allt ungt fólk ábyrgðarlausara en orð fá lýst. Þegar ég var ungur var okkur kennt að vera háttprúð og sýna okkur

Hinn andfélagslegi ég

2011-02-22T09:45:00.000Z

Þegar maður skrifar pistla eins og þennan kemur maður út eins og andfélagslegur mannhatari. Það er nefnilega ekki vinsælt að lýsa því yfir að manni leiðist fólk. Félagsþörfin er svo miðlæg í sjálfsskilningi nútímamannsins að maður er nánast að segja sig úr mannlegu samfélagi með því að vera ekki öllum stundum heltekinn af

Frú biskup

2011-02-11T11:48:00.003Z

Kristin kirkjuhefð er gegnsýrð af karlrembu. Því miður. Þótt þar hafi miðað í rétta átt á undanförnum áratugum, einkum meðal mótmælendakirkna, er þó enn langt í land með að jafnrétti sé náð. Enn neita margar helstu kirkjudeildir heims að veita konum prestvígslu. Enda er arfleifðin ekki beysin. Sjálfur Marteinn Lúther skrifaði að konur væru ekki færar um að ræða alvörumál öðruvísi en ruglingslega

Æxlunartúrismi

2011-02-07T07:38:00.004Z

Fyrirsögn þessa pistils er nýstárlegt orð í íslensku. Þetta er tilraun til að þýða enska hugtakið „reproductive tourism“ á íslensku. Fyrirbærið hafði lítið verið rætt hérlendis þangað til nýlegir atburðir urðu til þess að setja það í brennidepil. Umræðan byggði þó einkum á tilfinningum sprottnum af ljósmynd af nýfæddu barni og því var meginniðurstaða hennar afar fyrirsjáanleg. Hver getur sagt nei

Lifi bensínafgreiðslumaðurinn!

2011-01-24T09:24:00.003Z

Ég er farinn að gera mér far um það þegar ég kaupi bensín á bílinn að fá þjónustu í stað þess að dæla sjálfur. Ástæðan er einföld. Ég vil að þessi þjónusta sé til staðar. Með því að nýta mér hana, jafnvel þótt ég sé ekkert of góður til að dæla bensíni á bílinn minn sjálfur, finnst mér ég leggja mitt af mörkum til að henni verði haldið áfram. Maður getur nefnilega lent í því að vera á ferð í

Siðferðilegt yfirlæti

2011-01-10T09:27:00.003Z

Góðmennska, hjartahlýja og náungakærleikur eru ekki skrásett vörumerki sem kristindómurinn á einkarétt á. Allt þetta einkenndi gott fólk löngu áður en kristindómurinn kom til sögunnar og einkennir enn allt gott fólk, óháð því hvaða trúarbrögð það aðhyllist – ef einhver. Ég trúi því vissulega að sannkristin manneskja hafi þetta til að bera. En ég er jafnsannfærður um að góðir múslimir, góðir

Stóra biskupsmálið snýr aftur

2010-12-28T12:03:00.000Z

Sögulok eða sagan endalausa? Þegar árið, sem nú er að líða, gekk í garð vonuðu allir velunnarar Þjóðkirkjunnar að það yrði henni þægilegra en það sem þá rann sitt skeið. Árið 2009 hafði nefnilega reynst kirkjunni eitt hið erfiðasta í 14 ár. Kynferðisbrot kirkjunnar þjóna höfðu ekki verið áberandi í fréttum hérlendis fram

Hrægammalýðræði

2010-12-13T09:07:00.002Z

Upp á síðkastið hefur verið rætt um að landsbyggðin eigi ekki nema þrjá fulltrúa á nýkjörnu stjórnlagaþingi. Þess hefur sérlega verið getið sem áhyggjuefnis að Austurland eigi þar engan fulltrúa. Þá er litið framhjá því að íbúar Austurlands hefðu hæglega getað fyllt stjórnlagaþingið ef þeir hefðu haft döngun í sér til að gera tvennt: Í fyrsta lagi að bjóða sig fram. Í öðru lagi að mæta á

Um skóleysi og vonleysi

2010-12-02T11:58:00.004Z

Prédikun flutt í stúdentamessu í Háskólakapellunni 1. 12. 2010. Náð sé með ykkur og friður frá Guði föður og Drottni Jesú Kristi. Amen.Hetjum okkar Íslendinga er fjálglega lýst í Íslendingasögunum. Gunnar á Hlíðarenda var manna „kurteisastur, harðger í öllu, ráðhollur og góðgjarn, mildur og stilltur vel, vinfastur og

Enn um mosku í Reykjavík

2010-11-15T17:45:00.004Z

Varðandi síðastu færslu og viðbrögð við henni langar mig að rökstyðja mál mitt eilítið betur. Í því augnamiði vil ég byrja á að benda á nokkur vel valin atriði úr Mannréttindayfirlýsingu SÞ:2. gr. „Allir eiga kröfu á réttindum þeim og því frelsi, sem fólgin eru í yfirlýsingu þessari, og skal þar engan greinarmun gera

Umburðarlyndi andskotans

2010-11-15T09:06:00.000Z

Umburðarlyndi er kjaftæði. Bókstaflega lýsir orðið eitt og sér ekki öðru en því lyndi að umbera. En enginn vill vera umborinn. Fólk vill vera samþykkt og viðurkennt, ekki umborið. Ef einhver ætlar að slá sjálfan sig til riddara fyrir þá góðmennsku sína að umbera mig getur sá hinn sami tekið sitt umburðarlyndi og troðið því þangað sem sólin ekki skín. Þannig umburðarlyndi er ekkert annað en hroki

Baráttusöngur borgaralega byltingarmansins

2010-11-05T13:58:00.001Z

Ég stóð upp úr leðursófanum svartaog slökkti á flatskjánum nýja.Í úlpu frá sextíu og sex gráðum norðursmokraði ég mér hlýja..Svo fór ég á jeppanum fjórhjóladrifna(mér finnst hann þvílíkt æði)niður í bæ og var fljótur í förum,en fann hvergi bílastæði..Ég lagði því bílnum á umferðareyjuinnan um fleiri jeppa,fannst eðlilegt

Gelt gelt

2010-11-04T07:58:00.001Z

Það virðist einkenna Íslendinga um þessar mundir að skiptar skoðanir leiði aldrei af sér frjóa og skapandi umræðu. Kannski eru það vonbrigðin með hið nýja Ísland eða öllu heldur lífseigju hins gamla sem valda því. Þess í stað hleypur fólk upp í fylkingar, fullt tortryggni og gremju, sem gelta hvor á aðra. Nýjasta dæmið er

Gerum lífið skemmtilegra

2010-11-02T18:38:00.001Z

Við skemmtilegra lífið gerum.Lesin vítt og breitt við erumí biðröðum við búðarkassa.Blaðið hefur mikinn klassa.Lítill texti, margar myndirmæra flestar dauðasyndirsvo þið kannski síður kvartið.Sjáið kjólana og skartið!Vissulega er voða gamanað vita hverjir eru samanog flestir líka vísast viljavita hverjir eru að skilja.Með

Um bókun mannréttindaráðs Reykjavíkur um trúfræðslu í skólum

2010-10-26T18:05:00.003Z

Eitt heitasta málið í umræðunni í dag er tillögur mannréttindaráðs Reykjavíkurborgar um trúar- og lífsskoðanir í tengslum við leik- og grunnskóla borgarinnar. Þar hefur verið vaðið fram með ýktar yfirlýsingar og tillögurnar rangtúlkaðar. Illu heilli hafa ýmsir embættismenn þjóðkirkjunnar verið þar í fararbroddi. Þetta gerir það að verkum að hver sá sem lætur uppi efasemdir um þessar tillögur

Hvatt til dáða

2010-10-18T09:08:00.004Z

Viðbrögð við miður æskilegri og óþægilega sýnilegri nýbreytni í íslenskri stjórnmálaflóru 4. október 2010. Landið út við ysta sæoft er súrt að gista,en bölvað ástand bætir æað berja nýnasista. Unun veitir, ætla ég,sem alldjúpt muni ristaog fráleitt vera leiðinleg,að lemja nýnasista. Svona lagað svínaríer svívirða að

Orð

2010-10-04T09:17:00.003Z

Ég hef yndi af orðum. Þau hafa persónuleika. Það er eins og sum orð beinlínis iði af lífi; „keikur“, „dillandi“, „kotroskinn“, á meðan önnur nánast lúta höfði í hljóðri auðmýkt; „náð“, „andvari“, „hógvær“. Sum orð eru þess eðlis að maður finnur næstum því ilminn og sér safann drjúpa af þeim; „þrunginn“, „höfgi“, „hrynjandi“. Og svo eru til orð sem eru jafnsafarík og þerripappír og með

Úrelt lög

2010-09-20T18:50:00.000Z

Nú á að draga nokkra fyrrum ráðamenn þjóðarinnar fyrir landsdóm vegna óstjórnar þeirra sem varð til þess að íslenskt efnahagkerfi hrundi til grunna. Spurningin snýst um það hvort himinhrópandi getuleysi þeirra til að inna störf sín af hendi á bærilega sómasamlegan hátt hafi verið glæpsamlegt eða bara aumkvunarvert. Um þetta sýnist þó sitt hverjum. Lögin um landsdóm munu þannig vera úrelt, enda

Skriftir lútherskra

2010-09-09T08:29:00.003Z

Í umfjöllun undanfarinna daga um trúnaðarskyldu presta hefur sá misskilningur komið fram í ræðu og riti að lútherskir menn skrifti ekki. Þetta byggir á því að Lúther leit ekki á skriftir sem sakramenti. Það þýðir þó ekki að hann hafi afnumið þær. Lúther var reyndar ákaflega hlynntur skriftum. Í riti sínu um Babýlónarherleiðingu kirkjunnar byrjar hann á að flokka þær með sakramentum, en talar sig

Mín er getið

2010-09-03T00:10:00.001Z

Mín er getið í merku ritisem margir lesa og nota.Þarna er fullt af fólki af vitiog fáir sem ætti að rota.Hvort sem ég gef upp öndina í ellieða verð bráðum dáinnþá má finna mig þar í hvelli.Þetta er símaskráin.

Habbðu vet ...

2010-08-24T21:05:00.000Z

Ömmur mínar voru afar ólíkar. Önnur var fín frú í Reykjavík sem átti það til að fornemast ógurlega, en sjálf gætti hún þess að sénera aldrei nokkurn mann. Amma í sveitinni fæddist aftur á móti á Fljótsdalshéraði aldamótaárið 1900 og átti það til að fussa og sveia yfir því sem henni fannst lítið vet. Afi í sveitinni, sem alist hafði upp á Barðaströndinni, habbði hins vegar litlar áhyggur og saggði

Norðlenska hljóðvillan II

2010-08-16T12:59:00.000Z

Í síðasta pistli fjallaði ég lítillega um norðlensku hljóðvilluna og mikilvægi þess að sporna við henni. Ég staldraði einkum við annað megineinkenni hennar, röddun nef- og hliðarhljóða á undan fráblásnum lokhljóðum í orðum eins og „stúlka“, „pumpa“ og „fantur“ og útskýrði af hverju hún væri röng. Nú ætla ég að taka hitt megineinkennið fyrir, óeðlilegan stafsetningarframburð fráblásinna lokhljóða

Ekki vaxinn upp úr því að stela rabbabara úr garðinum hennar ömmu

2010-07-30T00:24:00.002Z

Þetta er það sem við köllum rabbabara í minni sveit.

Norðlenska hljóðvillan I

2010-07-26T09:09:00.000Z

Íslensk tunga er dýrasti arfur þjóðarinnar. Íslendingar hafa staðið sig allvel í varðveislu tungunnar, tökuorð eru færri en í flestum öðrum málum og málvillum og öðrum lýtum á hreinni og ylhýrri íslensku hefur miskunnarlaust verið sagt stríð á hendur. Þannig tókst með almennri vitundarvakningu að útrýma flámæli á sínum tíma með því að spotta það og hæða.

Dómaramistök

2010-07-13T13:01:00.000Z

Einu sinni var ég dómari í spurningakeppni. Ég tók starfið alvarlega og lagði metnað minn í að vera eins sanngjarn og nákvæmur og mér var unnt. Þegar mér urðu á mistök tók ég þau hugsanlega óþarflega nærri mér. Einu sinni eftir alvarleg mistök sór ég þess eið að þetta skyldi ég aldrei gera aftur.Samt þáði ég boð um að

Af hverju skiptir Íslandsdeild Amnesty International sér ekki af máli níumenninganna?

2010-07-05T11:07:00.006Z

Sem formaður Íslandsdeildar Amnesty International hef ég nokkrum sinnum verið spurður þessarar spurningar að undanförnu. Spurningin er eðlileg og rétt að henni sé svarað. Rúmlega 10.000 félagar í Íslandsdeildinni eiga rétt á því að þeim sé gerð grein fyrir því. Málið hefur að sjálfsögðu verið rætt í stjórn deildarinnar, bæði formlega og óformlega í spjalli stjórnarfólks.

Kettir og menn

2010-06-28T09:20:00.002Z

Ef ég mætti velja mér að vera dýr myndi ég vilja vera köttur. Mér finnst makalaust hvað köttum getur liðið vel þannig að það fari ekki fram hjá neinum. Það eitt að sjá kött rísa á fætur eftir góðan blund, geispa duglega og teygja svo makindalega úr öllum skrokknum, allt frá hnakka og aftur í rófubrodd, hlýtur að hafa heilsusamleg áhrif á hvern mann. Ég trúi ekki öðru en að sú slökun og æðruleysi,

Calabría

2010-06-28T09:20:00.001Z

Um daginn átti ég erindi norður til Akureyrar. Ferðafélagi minn hafði það þá á orði að helsti munurinn á Reykjavík og Akureyri væri hve Esjan væri nálægt á Akureyri. Það reyndist rétt hjá honum. Fjallið hinum megin við fjörðinn er miklu nær en í Reykjavík. Það heitir að vísu eitthvað allt annað en Esja.Um þessar mundir er

Um andfeminísk viðhorf mín

2010-06-02T10:50:00.003Z

Ég hef þrisvar sinnum gengið til liðs við framboð með þeim hætti að bjóða fram aðstoð mína í sjálfboðavinnu. Í öll skiptin var það vegna þess að ég hafði trú á einstaklingunum sem voru þar í forsvari og vildi fá að leggja meira af mörkum en bara atkvæðið mitt. Fyrst þegar það gerðist hafði ég reyndar ekki einu sinni kosningarétt. Það var árið 1980, ég var fimmtán ára og Vigdís Finnbogadóttir var

Það sem Vinstrigræn fatta ekki

2010-06-01T10:42:00.006Z

Viðbrögð einnar ónefndrar ungvinstrigrænnar fésbókarvinkonu minnar við hruninu á fylgi flokksins í borgarstjórnarkosningunum í Reykjavík sl. laugardag voru í því fólgin að lýsa því yfir í stöðunni sinni að hún væri hrifnari af sóleyjum en fíflum. Við þessu er í sjálfu sér ekkert að segja, hver hefur rétt til að vera haldinn eins flokksblindri sjálfsréttlætingu og hann kýs. En ég fékk það nánast á

Kjördagur

2010-05-31T09:48:00.000Z

Í dag er kjördagur, bjartur og fagur eins og brúðkaupsdagur í Möttubókunum. Kjósendur streyma glaðir í bragði á kjörstaði til að taka þátt í lýðræðinu, sem þeir njóta þeirra forréttinda að búa við. Sumir nota atkvæðið sitt til að sýna sitt álit á því hvernig til tókst á síðasta kjörtímabili. Þeir velja þá sem þeim finnst hafa staðið sig skást og þeir treysta best til að fara með völd. Aðrir kjósa

Lærdómur og leiðindi

2010-05-17T09:13:00.000Z

Þegar ég var strákur háðu gott og illt hatramma baráttu um yfirráðin í lífi mínu. Þessi öfl tóku þá jafnan á sig mynd skemmtilegs og leiðinlegs, en ég upplifði þessi átök sem glímu góðs og ills. Oft var skemmtilegt en stundum réð hið leiðinlega eitt ríkjum. Til dæmis voru handavinnu- og leikfimitímar ein samfelld sigurganga hins illa.

Kjarklaus eins og klerkur

2010-05-03T17:41:00.003Z

Stjórnmálaskoðanir mínar eru ekkert leyndarmál og hafa aldrei verið. En ef ég léti það út úr mér að það eyðilegði samband mitt við konuna mína að margir Sjallar væru líka vel kvæntir yrði ég vonandi álitinn eitthvað skrýtinn. Enda væru skoðanir mínar þá hættar að vera skoðanir og orðnar að svo inngróinni gremju að stappaði nærri geðrænu vandamáli – fóbíu. En hvernig er brugðist við þegar því er

Að ...

2010-04-28T11:48:00.003Z

... gefnu tilefni ákvað ég að setja ritgerð sem ég skrifaði í haust á netið, ef einhver skyldi nenna að lesa hana. Hún er ítarlegasta greinargerðin sem ég hef hingað til gert fyrir minni afstöðu til hjónavígslu samkynhneigðra í ljósi mannréttindasjónarmiða, studd guðfræðilegum, kirkjulegum, biblíulegum og siðfræðilegum rökum. Hana má lesa hér.

Góðar fyrirmyndir

2010-04-19T12:43:00.003Z

Það er gott eiga sér fyrirmyndir. Það er hollt að geta dáðst að eftirsóknarverðum eiginleikum og hæfileikum annarra og leggja sig í framkróka við að tileinka sér þá til að bæta sjálfan sig og verða eilítið aðdáunarverðari sjálfur. En auðvitað verður að vanda valið á fyrirmyndum.Fyrir nokkrum árum missti góður vinur minn föður sinn. Þetta var stórmerkilegur karl sem naut virðingar okkar allra

Hlymrek á hálffimmtugu

2010-04-11T12:26:00.002Z

Manni nokkrum, sem bjó úti í Búdapest,fyrir bévítans slugs tókst að stúta pest,sem læknar álitulangvinna skituen reyndist svo hættuleg hrútapest.Tileinkað Jóhanni S. Hannessyni

Utan af landi

2010-04-06T17:47:00.000Z

Konan mín er utan af landi en ekki ég. Þótt þetta valdi ekki oft misskilningi á heimilinu getur þó einstaka sinnum komið fyrir að menningarlegur bakgrunnur okkar er of ólíkur til að samstundis sé fyllilega ljóst hvað átt er við með sama orðalaginu. Til dæmis stakk konan mín upp á því við mig um daginn að við færum og kíktum á gosið þegar veður væri heppilegt til þess. Þetta leist mér vel á og

Nokkrar stjórnmálastefnur útskýrðar fyrir byrjendum:

2010-03-24T16:53:00.001Z

· Einveldi: Þú átt tvær kýr. Einvaldurinn tekur hluta af mjólkinni.· Hreinræktaður sósíalismi: Þú átt tvær kýr. Ríkisstjórnin setur þær í fjós með öllum hinum kúnum í landinu. Þú annast allar kýrnar jafnt og ríkisstjórnin lætur þig fá eins mikla mjólk og þú þarft þér til viðurværis.· Skrifræðissósíalismi: Þú átt tvær kýr.

Englar dauðans

2010-03-22T09:56:00.004Z

Um daginn hringdi fornvarnarfulltrúinn í skóla sonar míns í mig. Um leið og hún kynnti sig fann ég hjartsláttinn örvast og áhyggjurnar flæða um líkamann. „Í hverjum andskotanum er strákurinn nú lentur?“ hugsaði ég. Í ljós kom að erindi hennar varðaði son minn ekki neitt heldur allt annað. En þetta minnti mig á sögu sem

Um fábjánahátt

2010-03-08T09:09:00.004Z

Nýlega lýsti þingmaður því yfir að 5% þjóðarinnar væru fábjánar. Fyrrum ritstjóri bætti um betur og taldi alla kjósendur Sjálfstæðisflokksins vera fábjána. Þetta held ég að sé vanhugsað, mun fleiri ástæður en fábjánaháttur kunni að vera fyrir því að fólk styður Sjálfstæðisflokkinn. Í fyrsta lagi má nefna þá sem eru í

Grínframboð

2010-02-22T09:33:00.000Z

Núverandi formaður Sjálfstæðisflokksins hafði ekki hugmynd um hvað fyrirtækið hans var að bedrífa í útlöndum á meðan hann sat þar í stjórn. Hann vissi ekki heldur um milljarðana sem fjölskyldufyrirtækið hans rændi af íslensku þjóðinni með ólögmætu olíuokri árum, ef ekki áratugum, saman. Af tvennu illu finnst honum nefnilega skárra að vera gersamlega vanhæfur stjórnandi en að vera gerspilltur

Áskorun til íslenskra hönnuða

2010-02-11T13:15:00.017Z

Reykingar eru ósiður sem ætti að leggja niður. Þetta vita allir. Þær eru ofboðslega óhollar og skaðlegar samfélaginu. Samt reykir fjöldi manna, sífellt færri að vísu, en dágóður hopur samt. Ýmsar aðferðir hafa verið fundnar upp til að hjálpa fólki að hætta að reykja. Margar þeirra eru eru í því fólgnar að aðeins reykingunum sjálfum er hætt – ekki er sigrast á nikótínfíkninni sem slíkri. Undir

Englar Guðs

2010-02-08T10:40:00.001Z

Orðið „engill“ er myndað af gríska orðinu „angelos“ sem strangt til tekið merkir aðeins „sendiboði“. Það er af sama stofni og orðið „angelion“ sem merkir „frétt“. Með forskeytinu „ev-„ sem merkir „vel“ verður til orðið „evangelion“ sem merkir „gleðifrétt“, en hefð hefur skapast fyrir því að þýða það sem „fagnaðarerindi“.

Lagið um Vetrarbrautina

2010-02-02T22:38:00.003Z

(lag & texti: Monty Python / íslenskun: D. Þ. J.)Minni lífið á skelfingu og skandal, frú Hvanndal,og skímu er hvergi að sjá,því fólk er bæði óþolandi leiðinlegt og ljótt,mig langar að benda þér á ...... að jörðin snýst um möndul sinn, það mundu hverja stundu,á meira en þúsund kílómetra hraða.Á hundrað þúsund sendist hún um sól sem er vort skjólog sína orku ber til allra staða.Sólin okkar fer og

Greiðslunenna

2010-01-26T08:09:00.004Z

Skömmu áður en góðærið svokallaða náði hæstu hæðum áskotnaðist mér dálítil fjárhæð þannig að ég sá mér fært að kaupa mér nýjan bíl eða öllu heldur ekki eins gamlan og þann síðasta sem ég hafði átt. Þetta var ekki há fjárhæð, kannski ein mánaðarlaun mín á þessum tíma. Það sem var nýtt var að ég var aflögufær um hana alla í einu til annars en brýnustu nauðsynja.

Um sanngirni

2010-01-11T09:31:00.000Z

Það er erfitt að dæma um hvað séu sanngjörn laun fyrir hina ýmsu vinnu. Hví skyldi rakari þéna meira eða minna en kennari? Er eðlilegt að vörubílstjóri búi í lúxusvillu? Hver eru sanngjörn laun fyrir ráðherra? Í dýrðarríki sósíalismans hafa mennta- og ráðamenn lægstar tekjur, þeirra laun eru starfsánægjan. Þeir hæst launuðu eru verkamennirnir sem vinna erfiðustu störfin sem veita minnsta gleði.

Lafir meðan lifir

2010-01-08T14:23:00.004Z

(Lag og ljóð: Jon Bon Jovi, Richard S. Sambora og Desmond Child. Íslenskur texti: D. Þ. J.)Þótt skýjaborgir brjóti tröll,brunnið virðist allt,grafin gleði öllog gleymd - og gleymd,höldum áfram hnarreist og keikþótt horfin sé öll vonofan í eitur, reykog eymd - og eymd.Af því að í öðrum eins ólgusjóað endingu er sama hver lifði og hver dó.Við höfum hvert annað, það er alveg nóg.Við öll - við

Ást fær af þér óorð

2010-01-05T23:41:00.010Z

(Lag og ljóð: Jon Bon Jovi, Richard S. Sambora og Desmond Child. Íslenskur texti: D. Þ. J.)Þú framdir á sál mér siðlaust morð.Vina, ást fær af þér óorð.Jafn engilfríð er ekki neinmeð eld í hjartanu og brennistein.Í ástríðuhlekki ég hnepptur er.Úr helsi því ekkert fær bjargað mér.Ó, ó, þú ert ör á streng,ó, ó, sem hvern

Nýársprédikun

2010-01-02T22:48:00.000Z

Náð sé með ykkur og friður frá Guði föður og Drottni, Jesú Kristi. Amen.Gleðilegt nýtt ár. Ég vil byrja á að þakka fyrir þann heiður sem mér er sýndur með því að vera treyst til að ávarpa ykkur héðan úr þessum merkilega ræðustóli á þessum mikla hátíðardegi.Það er til siðs við áramót og önnur tímamót að staldra við, líta yfir farinn veg, meta frammistöðu sína og framvindu lífsins og jafnvel að

Költ

2009-12-21T10:05:00.000Z

Nú í vikunni var trúarhópur með sérstakan áhuga á kynlífi til umfjöllunar í fjölmiðlum. Einn fulltrúi Siðmenntar sagði hópinn „hvert annað költ“. Ummælin endurspegla ákveðna vanþekkingu á hugtakinu „költ“. Í umræðunni virðist það aðeins hafa neikvæða merkingu og vera notað um hvaða sértrúarhóp sem er, fyrirbæri sem réttara væri að nefna „sect“.Þeir sem einkum henda költ-hugtakið á lofti í þessari

Þú ert aldrei einn á ferð

2009-12-07T10:10:00.000Z

Helgi eina í byrjun október áttum við hjónaleysin erindi austur á Egilsstaði. Illu heilli brast þó á með óveðri á föstudeginum og um kaffileytið varð ljóst að ekkert yrði úr flugi. Þar sem erindið var brýnt ákváðum við að keyra austur, enda á þokkalega útbúnum fólksbíl með fjórhjóladrifi. Við lögðum af stað um fimmleytið og gerðum ráð fyrir að ná áfangastað um tvöleytið um nóttina. Norðurleiðin

Hin nýja lesblinda

2009-11-23T12:29:00.002Z

Kaldhæðni er vandmeðfarin og sennilega í bráðri útrýmingarhættu. Sú skemmtilega list að segja eitthvað eitt til þess að segja í raun eitthvað allt annað undir niðri virðist nefnilega hitta í mark hjá sífellt færri neytendum afþreyingar. Kannski er það einmitt þar sem hundurinn liggur grafinn. Þegar afþreying verður að áreynslulausri neyslu sem hægt er að taka við algerlega hugsunarlaust, án

Credo

2009-11-19T17:02:00.003Z

Þú horfir af barmi hárra klettaí hylinn dökkvaog hræðist ekki að hrasa og dettaheldur að stökkva.Þú hugsar um allt sem þú hefur að tapaog háskann að trúaen óttast í rauninni ekki að hrapaeins og að fljúga.Þetta litla ljóð orti ég fyrir mörgum árum. Það rifjaðist upp fyrir mér í samtali fyrir skömmu. Ég minnist þess ekki að hafa birt það opinberlega áður.

Aumingja þrælasalinn

2009-11-09T12:06:00.001Z

Íslenskum fjölmiðlum er að vissu leyti vorkunn að vera ekki betri en þeir eru. Smæð markaðarins gerir það einfaldlega að verkum að fjármagnið leyfir ekki að fjöldi starfskfrafta og vinnustunda á bak við hvern dálksentímetra sé sambærilegur við það sem gerist víðast hvar erlendis. Þetta er þó auðvitað engin afsökun fyrir því almenna metnaðarleysi sem til dæmis lýsir sér í því hve allir íslenskir

Lof anarkísins

2009-11-06T10:22:00.001Z

Hvað glæðir þínu geði ígleði sem er tær og hlýsvo brosað færðu björtum himni mótog hrekur óttann hjarta úrog hlífir þér í kaldri skúr?Anarkí er allra meina bót.Hvað slekkur sáran þorsta þinnmeð þungan, frjóan ávöxt sinnog stendur fast á sterkri, traustri rótog eflir þrótt og örvar dugog eldi blæs í kalinn hug?Anarkí er allra meina bót.Hvað greiðir veg um grýttan stigog gætir þín og verndar þiger

Skömm og skandalar

2009-11-03T10:29:00.001Z

(Sir Lancelot/Lord Melody)Ó og æ!Skömm og skandalar um allan bæ.Ó og æ!Skömm og skandalar um allan bæ.Austur á fjörðum forðum bjófjölskylda ein í spekt og róuns upphófst mikið uppistander erfinginn vildi í hjónaband.Þá sonur gekk á föður fund,í fylgd með honum hið unga sprund,en pabbi dæsti er hann dömuna sá:„Hún er dóttir mín þessi'en segðu mömmu'ekki frá.“Ó og æ!Skömm og skandalar um allan bæ.Ó

Djöfullinn í þögninni

2009-10-26T13:51:00.000Z

„Verið algáð, vakið. Óvinur ykkar, djöfullinn, gengur um sem öskrandi ljón, leitandi að þeim sem hann getur tortímt. Standið gegn honum stöðug í trúnni og vitið að bræður ykkar og systur um allan heim verða fyrir sömu þjáningum. En er þið hafið þjáðst um lítinn tíma mun Guð, sem veitir alla náð og hefur í Kristi kallað ykkur til sinnar eilífu dýrðar, sjálfur fullkomna ykkur, styrkja og gera ykkur

Vígð smámenni

2009-10-20T08:22:00.004Z

Kristur tók sér alltaf stöðu með hinum kúguðu og forsmáðu, gegn kúgurum og valdníðingum. Kirkja sem ekki gerir það getur ekki gert neina kröfu til þess að teljast kirkja Krists á jörð. Þetta er svona einfalt. Stofnun sem tekur sér stöðu með þeim sem uppvís hefur orðið að siðferðisbroti, gegn fórnarlömbunum, er ekki kirkja heldur ömurleg afskræming alls þess sem kirkja á að vera.Kirkja er samfélag

Kjaftæðið um krúttin

2009-10-12T13:24:00.004Z

Þegar ég var unglingur brast á með pönki. Það var uppreisn gegn tildri og yfirborðsmennsku diskósins. Ég var alls ekki eina íslenska ungmennið frá borgaralegu millistéttarheimili sem pönkið heillaði. Við gengum ekki í rifnum fötum af því að við höfðum ekki efni á nýjum, eins og upphafsmenn pönksins í fátækrahverfum Stóra-Bretlands, heldur af því að í því fólst, að okkar mati, einhvers konar

Fé, fé, fé, fé, fé, fé

2009-10-04T13:57:00.003Z

(lag&texti: Benny Anderson & Björn Ulvæus / íslenskur texti: D. Þ. J.)Ég þræla'og púla út í eittsvo eytt ég geti'og skuldir greitt.Ljótt er það.En þrátt fyrir það aldrei erneitt afgangs til að leika sér.Nema hvað.Draumfagra ég óra á,í auðkýfing ég þyrfti'að ná.Hve líf mitt yrði laust við streð,hve létt þá yrði'og kátt mitt geð.Fé, fé, fé, fé, fé, fé,lífið sé spé;ljúft að vera til.Fé, fé, fé, fé,

Minna morfís, meira vit!

2009-09-28T10:04:00.000Z

Kappræður eru góð skemmtun þegar gáfaðir, mælskir og fyndnir menn eigast við. Þessi íþrótt hefur þó ekki notið sannmælis lengi vel, en þar er að mínu mati oftast um misskilning að ræða. Þegar tvö lið mætast í kappræðum er nefnilega ekki tekist á um það hvorir hafi rétt fyrir sér, eins og sumir virðast halda, heldur einungis hvorir leggi mál sitt fram, rökstyðji það og hreki rök hinna betur.

Miðvikudagshugvekja um mótmælanda Íslands

2009-09-23T14:23:00.007Z

Þegar Cassius Clay kastaði kristinni trú, gerðist múslimi og tók sér nafnið Múhameð Alí gerði hann engar kröfur á sitt gamla trúfélag. Hann krafðist þess ekki að það breytti hjálpræðisskilningi sínum í þá átt að Jesús hefði í raun ekki verið frelsari allra manna heldur bara mikill spámaður, en þó ekki eins mikill og Múhameð. Hann fór ekki fram á að kirkjan breytti guðsþjónustuforminu eða kirkju-

Árásin á Ingólfstorg

2009-09-14T09:45:00.004Z

Miklar framkvæmdir eru í vændum í miðborg Reykjavíkur. Rífa á Nasa við Austurvöll og skerða Ingólfstorg til að rýma fyrir risahóteli. Ég er þeirrar skoðunar að þessar hugmyndir séu glapræði. Kemur þar einkum þrennt til.Í fyrsta lagi er byggingin sem hýsir Nasa menningarsögulegt djásn, elsti hlusti hennar var byggður 1870. Salurinn, frá 1946, á engan sinn líka. Innréttingarnar, sem margar eru

Alþynnki

2009-08-31T10:11:00.000Z

Það er ljótt að vera fullur í vinnunni. Drukknir menn skila alla jafna verra verki en allsgáðir og svindla þannig á vinnuveitendum sínum. Þó geta kringumstæður mildað alvarleika glæpsins, til dæmis ef vinnan er svo niðurdrepandi og vinnufélagarnir slíkt pakk að smá brjóstbirta sé nauðsynleg til að þreyja kvöldvaktina. Sömuleiðis ef vinnan er þess eðlis að vart megi greina á afurðinni hvort hún

Raunveruleikalýðræði

2009-08-19T12:18:00.000Z

Það er gott og gaman að horfa á sjónvarp. Sjónvarpið er orðið svo stór hluti af tilveru okkar að satt best að segja er erfitt að ímynda sér tilveruna án þess. Það er eins og gluggi á hverju heimili út í umheiminn. Það veitir okkur ómælda skemmtun, upplýsingar, fróðleik og afþreyingu. Vegna sjónvarpsins getum við verið vitni að heimssögulegum atburðum, hvar sem er í heiminum, um leið og þeir eiga

„Við það augun verða hörð ...“

2009-08-03T11:56:00.000Z

Þegar ég var strákur langaði mig óskaplega mikið til að verða skáld þegar ég yrði stór. Sú list að geta með fáum, vel völdum orðum haft djúp áhrif á fólk, jafnvel látið það fá gæsahúð, heillaði mig alveg upp úr skónum. Á meðan félagar mínir dáðu poppstjörnur, knattspyrnumenn og leikara fann ég mínar fyrirmyndir í Skólaljóðum, bókinni sem sennilega hafði mest áhrif á menningarlega mótun mína í

Níðsálmur

2009-08-01T16:37:00.007Z

Í gærkvöld stýrði ég hagyrðingamóti á Fjarðarborg í Borgarfirði eystri. Var þar margt um manninn og glatt á hjalla eins og við var að búast. Ég get engan veginn gert grein hér fyrir öllu sem þar var ort. En mig langar þó að deila níðvísu, sem ort var um yðar einlægan, með lesendum. Svo er mál með vexti að fyrr í mánuðinum prédikaði ég við messu í Hjaltastaðarkirkju. Einn hagyrðinganna hafði séð

Fyll'ann gremju

2009-07-20T19:20:00.003Z

Þegar ég var yngri voru bensínstöðvar staðir þar sem vegfarendur numu staðar ef þá vantaði bensín. Þar var reyndar einnig boðið upp á ýmsa aðra þjónustu fyrir bílinn. Maður var ekki bara spurður hvort ætti að „fyll'ann“ heldur jafnvel líka hvort það ætti að athuga olíuna eða strjúka af framrúðunni. Þetta heyrir sögunni til. Æ víðar eru komnar afgreiðslustöðvar þar sem maður verður sjálfur að

Fréttir og fótbolti

2009-07-06T09:25:00.000Z

Síðasta sunnudag var úrslitaleikur svokallaðrar álfukeppni í knattspyrnu leikinn. Þar áttust við lið Bandaríkjamanna og margfaldir heimsmeistarar Brasilíumanna. Leikurinn var hin besta skemmtun. Bandaríkjamenn komu verulega á óvart með frækilegri framgöngu og í hálfleik var staðan 2-0 þeim í vil. Þá bitu Brasilíumenn í skjaldarrendur. Þeir skoruðu þrjú mörk í síðari hálfleiknum og fóru með sigur

Æðri menntun

2009-06-22T09:53:00.004Z

Þegar ég var á sjónum vorum við tveir um borð sem vorum með stúdentspróf. Enda vorum við alltaf kallaðir „menntamennirnir“ og mikið grín gert að því þegar okkur fórst eitthvað óhönduglega. Ef við vorum saman á vakt á dekki og vorum mikið að þvælast hvor fyrir öðrum, eins og óvanir menn eiga til, gátu gamanmálin sem af því spruttu haft ofan af fyrir áhöfninni allmarga róðra. Þetta þótti körlunum

Bensínbruðl

2009-06-08T14:02:00.004Z

Um síðustu helgi var ég gestgjafi nokkurra Norðurlandabúa sem hér voru í heimsókn. Þeir voru áhugasamir um hrunið og kreppuna og m.a. spurði Finninn mig um bensínverðið hér á landi. Ég sagði honum það og að nýleg hækkun þess hefði ekki gert lukku meðal landsmanna. Hann reiknaði þetta í huganum og tilkynnti mér svo að bensínið væri samt ódýrara hér en það hefur verið í Finnlandi árum saman.Um

Fljóð þrá bara fjör

2009-06-05T19:03:00.001Z

(Cindy Lauper/Robert Hazard – íslenskur texti: D. Þ. J.)Í rauðabítið er rangla ég heimmig ræðir við móðir mín með hrútshornum tveim.Æ, mamma, vertu stillt, á stóryrðin spörþví fljóð þau þrá bara fjör.Ó, fljóð þau þrá bara fjör.Um miðja nótt í mig er oft hringt.Það misbýður föður mínum heilagt og sýknt.Æ, elsku besti pabbi, yggldu'ekki vörþví fljóð þau þrá bara fjör.Ó, fljóð þau þrá bara fjör.Þau

Fljótandi Smáralind á sterum

2009-05-25T09:53:00.003Z

Það er ekkert að því að veiða sér til matar. Þannig má sameina holla útiveru sjálfsbjargarviðleitni sem manninum virðist vera eðlislæg. Að á menn renni drápsæði þannig að allt kvikt, sem á vegi þeirra verður, liggi örent á eftir flokkast ekki undir það. Sömuleiðis er ekki stigsmunur á því að kunna að meta góð vín með góðum mat og því að vera fullur allan sólarhringinn sjö daga vikunnar, heldur

Í tilefni af Eurovision ...

2009-05-16T15:46:00.002Z

... rifjaðist upp fyrir mér kveðskapur frá því fyrir nokkrum árum. Þá var ég að velta fyrir mér textanum við vinsælasta Eurovisionlag allra tíma, Waterloo með Abba. Textinn er ástarjátning þar sem söngkonan játar sig sigraða fyrir persónutöfrum draumaprinsins á sama hátt og Napóleón varð að játa sig sigraðan fyrir hertoganum af Wellington, við Waterloo. Í textanum er þess hvergi getið að eftir þá

Vegna síðustu færslu ...

2009-05-16T15:24:00.006Z

.. og viðbragða við henni langar mig að koma þessu frá mér:Ofstækisfullt fólk myrðir annað fólk. Það telur sig af einhverjum ástæðum hafa rétt til þess af því á því er brotið, annað fólk er fyrir því, það stendur í vegi fyrir að það nái markmiðum sínum, kúgar það eða er á einhvern hátt fulltrúar „hinna“ sem viðkomandi stendur ógn af. Vegna þess hve sagan er full af því að fólk skilgreini sig út

Satt og logið um trúarlíf Íslendinga

2009-05-15T18:00:00.007Z

Stundum heyrist talað um að Íslendingar séu trúlausir upp til hópa. Helstu fulltrúar ofstækisfulls guðleysis á Íslandi hafa m.a. orðið uppvísir að því að fullyrða að aðeins 51% þjóðarinnar segist trúa. Þetta er úr lausu lofti gripið og eftir því sem næst verður komist hreinlega rangt. Gaman væri að sjá þá vísa í einhverja könnun til að úskýra þá niðustöðu sína. Árið 2004 var nefnilega gerð

Evrópa og yfirvegun

2009-05-11T09:13:00.001Z

Það þarf hvorki að ferðast víða um Evrópu né grufla lengi í fréttum frá álfunni til að verða ljóst að Evrópusambandsandstæðingar og aðildarsinnar fara báðir með rangt mál í áróðrinum sem nú dynur á okkur úr öllum áttum og yfirgnæfir umræðu um allt annað.Evrópa er fráleitt laus við félagsleg vandamál, fátækt og kreppu. Í mörgum löndum er atvinnuleysi landlægt og hefur verið kynslóðum saman.

1994

2009-05-05T17:11:00.002Z

Í aðdraganda nýafstaðinna kosninga var einn frambjóðenda spurður hvort hann vildi virkilega fara með íslenskt samfélag 15 ár aftur í tímann. Í spurningunni lá að í slíkri afstöðu fælist aðeins rykfallin fortíðarhyggja og heimskulegur fjandskapur í garð hvers konar framfara og framþróunar á öllum sviðum. Enda sór frambjóðandinn það dyggilega af sér að vera slíkur pólitískur steingervingur að hann

Prédikað yfir kórnum

2009-04-26T19:50:00.002Z

Þeir sem ætluðu að skemmta sér yfir örvæntingu Sjálfstæðisflokksins fyrir þessar kosningar hljóta að hafa orðið fyrir sömu vonbrigðum og ég. Þar er enga örvæntingu að finna, aðeins afneitun. Kjósendum er boðið upp á sömu frasana og í síðustu kosningum, rétt eins og ekkert markvert hafi gerst í pólitíkinni síðan þá. Enda eru þeir einu, sem ekki finnast þessar auglýsingar hjákátlega aumkvunarvert

Hausaskeljastaðarávarpið

2009-04-14T16:48:00.005Z

Nú þegar páskahátíð er fyrir dyrum er kannski við hæfi að staldra við og skoða hvernig táknmál krossfestingarinnar hefur birst í þjóðfélagsumræðunni upp á síðkastið. Það er nefnilega ekki langt síðan boðið var upp á nýstárlegt tilbrigði við Golgata-myndina í ræðu sem vakti töluverða athygli. Þar var frelsaranum á krossinum, vannærðum og húðstrýktum með ræningja til hvorrar handar, skipt út fyrir

Registur mitt

2009-04-09T11:25:00.004Z

(lag & ljóð: Bob Dylan/íslenskur texti: D. Þ. J.)Fagurrauður logi lékum líf mitt fyrr á tíð.Ég þusti fram með bál og brandtil bjargar þjáðum lýð.Með hugsjónir sem leiðarljósvið landi skyldum ná.Æ, ég var eldri áður fyrr,ég er yngri nú en þá.Ég fullur var af fordómumgegn fláræði og synd.Í huga mér var heimurinnharla einföld mynd.Já, hetjudrauma dreymdi migum dýrð sem ei var smá.Æ, ég var eldri

Týndur sauður

2009-03-31T09:46:00.005Z

(Lag og ljóð: Bob Dylan/íslenskur texti: D. Þ. J.)Áður varstu fín og flott í sýn,þá flæddi kampavín og gæfa þín var ógurleg.Þig allir voru að fjalla um og skjalla,undan fæti halla myndi varla á nokkurn veg.Þú hlóst bæði hátt og snjalltað hinum sem var ekki gefið allt.En drambið nú þú deyða skalt,það dugar skammt ef manni er kaltog þarf að sníkja bæði brauð og næturstað.Hvernig er það?Hvernig er

Iðrun og yfirbót

2009-03-30T07:38:00.001Z

Það er gott og blessað að biðjast afsökunar. Þegar manni hefur orðið það á að skaða einhvern eða meiða af gáleysi hlýtur það að vera forsenda þess að um heilt geti gróið á ný. Aftur á móti er algerlega ófullnægjandi að láta þar við sitja. Iðrun er góðra gjalda verð, en aðeins ef yfirbót fylgir í kjölfarið.Ef einhver myndi ræna mig eða skemma eitthvað fyrir mér þætti mér vissulega ágætt að fá

Gert út á greindarskort almennings

2009-03-17T13:09:00.001Z

Árdagar búsáhaldabyltingarinnar eru mér enn í fersku minni, þótt þeir virðist mörgum öðrum gleymdir nú. Þjóðin stóð á Austurvelli og barði saman pottum og pönnum til að koma þeim skilaboðum inn í Alþingishúsið að hún væri búin að fá sig fullsadda af vanhæfni og úrræðaleysi valdhafa. Ég man líka að snertileysi Sjálfstæðismanna við raunveruleikann var svo algert að það sem átti að taka til

Ómar Reykjavíkur

2009-03-14T13:33:00.004Z

Grafið mig grunnt er ég kveðsvo nemi ég óminn eyrunum með.Það hressir mig og gleður mitt geðgjálfrið í reykvískum ræsum.Ruslið safnast alls staðar að.Á Lækjartorgi liggur það.Skrýðir mjög og skreytir þann staðskrjáfið í reykvísku rusli.Ef Smiðjustíg þú smellir þér ádaunill og lúin dúkkar upp krá.Er húma tekur heyra þar máháreysti í reykvískum rónum.Um Laugaveg fer lýður á sveimdruslur að finna og

Staka

2009-03-07T14:35:00.007Z

Þessa stöku orti ég til konu minnar í gær. Hún er bragfræðilegt stef við gamansögu sem hún sagði mér af tónsmíðaaðferðum Jóhanns Sebastíans Bachs.Ef yrki ég um atlot þínog ástar hamingjunaverð ég bæði að vanda rímog stuðlasetninguna.

Náð og friður

2009-03-04T11:11:00.003Z

Síðasta sunnudag var æskulýðsdagur Þjóðkirkjunnar. Af því tilefni var ég beðinn að prédika í Grafarvogskirkju og beina orðum mínum sérstaklega til fermingarbarna. Hér er það sem ég sagði:Náð sé með ykkur öllum og friður frá Guði föður og Drottni Jesú Kristi. Amen.Hæ. Velkomin í kirkju. Mér er það sönn ánægja og heiður að fá að ávarpa ykkur hér á þessum Drottins degi. Ég hafði sagt að ég myndi

Álftagarg úr Svörtuloftum

2009-03-02T16:21:00.004Z

Nú vikunni henti sá voveiflegi atburður íslenskt efnahagslíf að Davíð Oddsson, Seðlabankastjóri, tjáði sig opinberlega. Slíkt hefur einatt leitt af sér hinar mestu hörmungar, enda hefur nú verið komið í veg fyrir að þetta endurtaki sig. Tjón af þessum toga er nefnilega „fyrirbyggjanlegt“.Viðtalið var þó hið athyglisverðasta, einkum vegna þess hve glögga innsýn það veitti í hugarheim Davíðs. Til

Staka

2009-02-19T08:57:00.005Z

Þessa vísu heyrði ég um daginn. Hún var eignuð Jóni Thor Haraldssyni, en með fyrirvara. Ég sel faðernið því ekki dýrara en ég keypi það. Viti einhver betur skal ég leiðrétta það með glöðu geði.Menning vor á samhenginu sést.Hin sanna ritlist hún mun áfram lifa.Nóbelsskáldið Halldór Laxness léstum leið og Davíð Oddsson fór að skrifa.

„These are not bankers, they are wankers!“

2009-02-16T13:58:00.002Z

Að undanförnu hef ég átt bágt með að trúa mínum eigin eyrum þegar Sjálfstæðismenn tjá sig í fjölmiðlum. Hugsunin sem oftast skýtur upp kollinum þegar það gerist er: „Á hvaða reikistjörnu hefur þetta fólk haldið sig upp á síðkastið?“ Þannig er það beinlínis absúrd að heyra Árna Mathiesen tala af vandlætingu um pólitíska misbeitingu bankakerfisins.Nú efast ég ekki um að Árni sé ágætlega gefinn og

Staka

2009-02-14T15:59:00.005Z

Þessa stöku heyrði ég í gær og vona að ég fari rétt með hana. Ég veit ekki hver höfundur hennar er. Hún er ort í orðastað Davíðs Oddssonar og dregur saman innihald bréfs hans til Jóhönnu Sigurðardóttur, forsætisráðherra. Ég feginn yrði ef för mín útfrestaðist nokkra daga.Mig langar að klára blýantsbútsem ég byrjaður er að naga.

My Dysfunctional People

2009-02-10T11:44:00.003Z

Ég var beðinn um að láta í ljós álit mitt á atburðum ársins 2008 á Íslandi í fyrsta tölublaði The Reykjavík Grapevine 2009. Ég brást ljúflega við því. Hér er það sem ég hafði um málið að segja:You cannot answer the question “What happened in 2008?” in any brief terms. That question will not only be the subject of historians for untold years, but also police and other investigative authorities.

Þorgerður og þjóðarhagsmunirnir

2009-02-02T08:03:00.003Z

Í Kastljósi síðastliðinn fimmtudag var spjallað við Þorgerði Katrínu Gunnarsdóttur, fráfarandi menntamálaráðherra. Þorgerður er glæsileg kona og í þessu örstutta viðtali held ég að hún hafi sett a.m.k. tvö glæsileg Íslandsmet, annað í blindri flokkshollustu og hitt í algerum skorti á raunveruleikaskyni.Hún byrjaði á því að telja stjórnarkreppu standa í vegi fyrir þjóðþrifamálum. Stjórnarkreppan

Botn 10: Verstu kvikmyndir sem ég hef séð

2009-01-27T13:18:00.018Z

Ég nenni ekki að vera pólitískur eða aktúell. Hér er listi yfir tíu verstu kvikmyndir sem ég hef séð. Tekið skal fram að íslenskar myndir vantar á þennan lista þótt a.m.k. tvær ættu sannarlega heima á honum. Einnig skal tekið fram að þetta eru einungis myndir sem ég ég hef setið undir frá upphafi til enda.10. Gladiator (2000), Ridley Scott Heimskuleg, ótrúverðug og umfram allt gjörsamlega

Afi án bakþanka

2009-01-20T10:42:00.004Z

Dyggir lesendur hafa tekið eftir því að nokkuð er síðan ég setti síðast færslu hingað inn, en þær hafa nánast einskorðast við hálfsmánaðarlega Bakþanka. Ástæða þessa eru sviptingar í fjölmiðlaheiminum. Eins og allir ættu að vita var nefnilega ákveðið að hætta að gefa út blaðið sem ég skrifa bakþankana í, Sunnudagsfréttablaðið. Mér var boðin staða bakþankahöfundar í laugardagsblaðinu og þáði ég

Sátt um samstöðu

2009-01-06T07:10:00.000Z

Áramótaboðskapur helstu þjóðarleiðtoganna var að hér á landi þyrfti sátt um samstöðu. Eða var það samstaða um sátt? Ég man ekki hvor klisjan var höfð á undan. En þessi boðskapur hljómaði býsna vel alveg þangað til maður fór að hugsa um hann. Sennilega hefði verið mun auðveldara að byrla manni þessu inn hefði maður ekki verið nýbúinn að horfa á innlendan fréttaannál ársins.Ég hafði nefnilega

Draumvísa

2008-12-29T11:06:00.004Z

Í nótt dreymdi mig draum sem var eins og út úr Íslendingasögum. Hann var svo þrunginn merkingu að ég hlýt að óska eftir ráðningu hans hjá frómum lesendum. Hann var á þessa leið:Mér fannst að ég væri að taka útvarpsviðtal við Megas. Spurningarnar áttu að vera út í hött til að gefa kost á hnyttnum tilsvörum, en það fór fyrir ofan garð og neðan. Þegar Megas spurði mig hvað fyrir mér vekti með þessum

Ömurleg jól

2008-12-23T09:34:00.005Z

Ömurlegustu jól sem ég hef lifað voru árið 1993. Ég var nýfráskilinn og nýfluttur inn í íbúðarkytru í miðborginni. Megnið af hafurtaskinu mínu var því ýmist enn í kössum eða hjá minni fyrrverandi. Kringumstæður mínar höfðu verið þannig að lítið hafði farið fyrir jólaskapinu hjá mér á aðventunni og ofan á það var ég staurblankur. Af þeim sökum ákvað ég að gera ekkert úr jólunum, heldur herja þess